Celébrase ao redor da capela de San Miguel. Tradicionalmente a ascensión ao monte faise seguindo un camiño que parte da Rúa da Fonte Nova, nas escaleiras do "Monumento", para, unha vez alí, dar nove voltas (algunhas versións indican que son tres e outras sete) á capela en completo silencio para "botar as meigas" (escorrentar as bruxas). Existe constancia documental desta romaría desde 1916.