Admítense comunicacións orais ou en formato póster que se podan encadrar nas sesións de Arqueometría e metodoloxía, Sociedades de cazadores-recolleitores, Primeiras sociedades campesiñas e megalitismo, Idade do Ferro e Protohistoria, Época Romana e Outras Temáticas (arqueoloxía medieval, musealización de xacementos e arqueoloxía profesional ou de xestión).

O ámbito do Congreso cínguese ao Noroeste Peninsular (Galicia, Asturias, Cantabria, Castela e León, País Vasco, Norte de Portugal e zonas limítrofes).

Os resumos das comunicacións e dos pósteres serán publicados na web do Congreso, e as actas coas comunicacións impresas serán entregadas ao comezo do evento.

Prevense tres modalidades de inscrición: participante, asistente e oínte.

Na edición anterior de 2008 presentáronse máis de sesenta comunicacións orais, defendidas por investigadores pertencentes a corenta centros de investigación e universidades europeas e americanas.