A festa, declarada de interese turístico e organizada polo concello de Cea e pola asociación de panadeiros acollidos á indicación xeográfica protexida “Pan de Cea”, terá como pregoeiros a Patricia Vázquez e Tacho González, actores da serie “Padre Casares” (ás 13:00 horas).

Logo haberá actuación das Pandereteiras de Cea e de charangas, baile amenizado por unha orquestra e, pola tarde, degustación gratuita de pan de cea e chourizos ao viño con productos donados pola empresa de embutidos tradicionais “Castro Bello”.

Tamén haberá expositores das diferentes denominacións de orixe e indicacións xeográficas protexidas de Galicia.