Skip to main content

Festas de San Roque en Vilagarcía de Arousa (Patronales)

Arquivos adxuntos
Festas de San Roque en Vilagarcía de Arousa (Patronales)
Festas de San Roque en Vilagarcía de Arousa (Patronales)
Cando ten lugar
Data: 
09/08/2019 - 19/08/2019
Quen organiza
Descripcion

As festas patronais de Vilagarcía celébranse durante 10 días en torno ó 16 de agosto, festividade de San Roque. Neste día teñen lugar dúas festas sucesivamente. A primeira, de carácter relixioso, comeza coa misa solemne e a saída do santo en procesión dende a Igrexa Parroquial ata a capela que leva o seu nome. Miles de fieles acompañan ó santo de Montpellier neste percorrido, que a imaxe realiza movéndose ó son do pasodobre “Triunfo”. Pola tarde o traxecto faise á inversa, a ritmo moito máis pausado.

A parte lúdica da festa comeza a iso das 12 do mediodía, nada máis resgardarse a imaxe do patrón na capela de San Roque. Nese momento, iníciase a denominada Festa da Auga. Miles de nenos, xoves e no tan xoves recorren as rúas ó grito de “¡auga!”, rogando ós veciños que os refresquen co líquido elemento. Estes responden ó seu rogo utilizando para iso toda clase de artificios: cubos, mangueiras, botellas... Por se isto non fose suficiente para calma-la sede dos asistentes, os bombeiros colaboran mollando a mangueirazos dende os seus vehículos ás miles de persoas que os reciben cos brazos en alto. A festa, animada por espontáneos augadores e charangas, non termina ata primeiras horas da tarde.

A zona húmida, onde calquera molladura é ben recibida, está perfectamente sinalizada e esténdese polas rúas máis céntricas da cidade. Cada ano é máis frecuente que os xoves asistentes comecen a festa na noite do día 15, na que xa saen á rúa ataviados para a ocasión, co pano e a camiseta identificativos de cada panda ó pescozo. Habitualmente, participan na Festa da Auga entre 20.000 e 30.000 persoas.

Na Semana Grande de Vilagarcía teñen lugar outras actividades destacadas: concertos gratuítos de grupos e solistas españois, exhibicións folclóricas, desfile de carrozas e batalla de flores, etc.

Un dos actos que máis visitantes atrae ó municipio é o Combate Naval, un festival pirotécnico con fama en toda Galicia que adoita poñe-lo broche final ás festas. Miles de visitantes achéganse ese día a Vilagarcía á fin de contempla-la batalla entre un barco e un castelo de luces que se desenvolve na dársena do Peirao de Pasaxeiros. A exhibición complétase cun espectacular lanzamento de fogos de artificio e unha demostración de fogos acuáticos. http://www.ivilagarcia.com/turismo/default.asp

 
 i  Santa Rita
 i  San Roque
Compartir