Skip to main content

FEIRA DO VIÑO DO RIBEIRO, Ribadavia

Arquivos adxuntos
 FEIRA DO VIÑO DO RIBEIRO, Ribadavia
 FEIRA DO VIÑO DO RIBEIRO, Ribadavia
 FEIRA DO VIÑO DO RIBEIRO, Ribadavia
 FEIRA DO VIÑO DO RIBEIRO, Ribadavia
 FEIRA DO VIÑO DO RIBEIRO, Ribadavia
 FEIRA DO VIÑO DO RIBEIRO, Ribadavia
 FEIRA DO VIÑO DO RIBEIRO, Ribadavia
Cando ten lugar
Data: 
29/04/2018 - 01/05/2018
Hora: 
Todo el día
Ónde ten lugar
Localidade: 
  • EspañaGaliciaOurenseRibadavia
Lugar: 
Quen organiza
Organiza: 
Descripcion

http://feiravinoribeiro.com/

A Feira do Viño cambiará, non soamente as suas datas de celebración (1º fin de semana de maio 4, 5 e 6), senón que tamén haberá cambios no seu formato e incorporará novas actividades encamiñadas a mellorar o turismo enolóxico e gastronómico, dinamizar a economía e incrementar a investigación arredor do viño do Ribeiro. A feira busca consolidar a Ribadavia como un referente vitivinícola e gastronómico, que é a segunda motivación para os turistas que visitan Galicia, co obxectivo de xerar riqueza e postos de emprego.

A Feira do Viño do Ribeiro será o escaparate para toda Galicia da cultura e importancia socioeconómica do viño. A capital do viño de Galicia, a cidade dionisíaca, como adoitaban chamala Otero Pedrayo, Blanco Amor, Cunqueiro, Celso Emilio Ferreiro e outros persoeiros galegos e foráneos, presentará este ano novas galas e novas actividades que terán como fin atraer a Ribadavia, tanto aos que aman o viño, como aos que gustan da cultura, da diversión, da música e da gastronomía máis singular e sabrosa.

Nesta edición presentarase un novo formato, no que todo xirará arredor do viño, da gastronomía, da súa cultura, da súa importancia na vida dos homes, do seu legado patrimonial, da súa paisaxe, do seu poder de socialización, da súa salubridade e da súa capacidade na xeración de riqueza e dunha maneira de vivir e de pensar.

Deste xeito, durante toda a semana haberá diferentes actividades relacionadas co evento. Do 24 ao 26 de abril, a UNED Ourense, en colaboración co Concello de Ribadavia organizará o curso “1492: América descubre el vino del Ribeiro”, que terá lugar no Salón de Actos da Casa da Cultura de Ribadavia. A temática deste curso débese a que neste 2012 cúmprese o 520 aniversario da travesía de Cristovo Colón cara América, levando consigo na súa viaxe o viño de Ribadavia, significando este feito constate de que o Ribeiro foi o primeiro viño en chegar a América.

Hoxe en día é fundamental a internacionalización e a apertura de novos mercados e neste sentido o viño do Ribeiro dáse a coñecer como o viño do Ribeiro ten unha longa tradición alén das nosas fronteiras.

No citado Curso da UNED daranse cita algúns dos grandes especialistas na historia do viño. Do mesmo xeito, haberá cata de viños do novo mundo: Estados Unidos, Chile e Arxentina, que cada vez representan unha competencia máis imporante para o viño español pero tamén unha oportunidade para coñecer novos productos e procesos de fabricación, así como o gusto dos consumidores.

 

 

Novas actividades paralelas dentro da XLIX Feira do viño do Ribeiro

Asemade, para darlle máis valor á paisaxe e ao patrimonio do viño, o Concello de Ribadavia vai a pór en marcha unha iniciativa destacada: o “Tren dos Viñedos”. Dito tren sairá dende o Castelo de Ribadavia e fará dous percorridos polas distintas paisaxes vitivinícolas da comarca, seguindo rotas que permitirán admirar a beleza paisaxística do Ribeiro, os famosos socalcos e as construcións e granxas medievais do viño, toda unha oportunidade para que os visitantes, turistas e mesmo os veciños do Ribeiro coñezan e disfruten da gran variedade paisaxística da viña e da historia do viño.

O Tren dos Viñedos terá dúas saídas pola mañá e outras dúas pola tarde (sabado 5 e domingo 6 de maio), podendo incrementarse no caso de que exista máis demanda (terá capacidade para albergar a 60 persoas por viaxe). Ambos traxectos percorrerán diferentes lugares das ribeiras do Avia e do Miño. As entradas para o tren poderán adquirirse o mesmo día e con anterioridade na Oficina de Turismo de Ribadavia e tamén no propio recinto da Feira do Viño.

Na mesma liña, varias das entidades vencelladas á Ruta do Viño do Ribeiro, a través da axencia de viaxes Entretempos, van levar a cabo diferentes actividades e paquetes turísticos que contarán con experiencias enoturísticas e gastronómicas para atraer aos visitantes e turistas durante os días da Feira do Viño do Ribeiro.

Resaltar tamén que se vinculará viño e gastrónomía a través de diversas accións que fomentarán elementos da cociña tradicinal galega e outros da nova cociña, xunto con innovadores elementos de madiraxe (combinación de pratos e viños) e de coñecementos de cata.

 

Compartir