Celébrase desde o ano 1998. Nace coa idea de potenciar o coñecemento da historia e do patrimonio cultural e desenvolver a artesanía local e galega en xeral.

A feira consiste na organización dun mercado que recrea o ambiente de época medieval aproveitando as rúas, prazas e edificios do propio casco histórico (Cantón, Curro, Tapal, Constitución,..) A feira permanece aberta todo o día de 11:00 a 12:00 horas da noite de venres a domingo e, en torno ós postos de venda de artesanía e alimentación, hai numerosos grupos de animación (saltimbanquis, malabaristas, teatro de rúa, tragalumes, bufóns, etcétera ) ao longo de todo o día.