PROGRAMA

10:00    Recepción
10:30    Roteiro Teatral: O monte, o lavadoiro,
              o forno, a lareira, a escola e o tundal.
14:30    Xantar na aldea con Maria Castaña
16:30    Sega/Malla
19:00    Romaría
             Agrupación Musical Buxaina
             Concerto de Música Folk:
             A QENLLA

Son d’Aldea é unha actividade dinamizadora da cultura rural que procura amosala, proxectala e dignificala a través dunha xornada de participación activa da cidadanía que se achegue a Albá (Palas de Rei) nesa xornada festiva. Trátase dunha aproximación ás coordenadas sociais e culturais do rural no pasado, e dunha reflexión sobre novas vías de ruralidade no presente. Un recoñecemento á súa riqueza e á súa heteroxeneidade a través dun espectáculo teatral que transita por diferentes escenarios (O monte, o lavadoiro, o forno, a lareira, a escola e o tundal) e que ofrece unha visión de diversos oficios; dun Xantar con produtos elaborados por xente que traballa no rural na actualidade e dunha Romaría Tradicional que pechará este evento.