Skip to main content

NOITES ABERTAS CONTINÚA TAMÉN NO ENTROIDO CON ACTIVIDADES ESTE VENRES NO COLEXIO FROEBEL

Modificar evento
Arquivos adxuntos
NOITES ABERTAS CONTINÚA TAMÉN NO ENTROIDO CON ACTIVIDADES ESTE VENRES NO COLEXIO FROEBEL
Cando ten lugar
Hora: 
20:00
Ónde ten lugar
Lugar: 
Colexio Froebel
Quen organiza
Organiza: 
Concello de Pontevedra
Descripcion
Esta fin de semana de Entroido en Pontevedra, Noites Abertas só abrirá o venres día 24 para continuar coa súa ampla programación de actividades de ocio.

Abrirase  ás 20h. o Colexio Froebel para a Ginkana dos sentidos e lingua de signos, a cargo da Asociación de Xordos Río Lérez. Tras unha serie de dinámicas divertidas, os/as participantes poderán experimentar e vivenciar as dificultades e a maneira de percibir o mundo que teñen as persoas xordas, todo dun xeito lúdico e divertido, onde tamén recibirán unhas nocións básicas da lingua de signos.

A partir das 21h. dará comezo un novo obradoiro de Coiro, unha das actividades máis demandadas neste programa. E ás 21,30h. comezará un obradoiro de elaboración de Broches con feltro.

A partir das 22h. comezará un obradoiro de técnicas gráficas e costura "Roupa Vella", baseado na reutilización de teas e materiais de refugallo para elaborar elementos moi creativos e útiles. 

A partir desa mesma hora tamén se porá en marcha o obradoiro de Hama Beads, cos cales os/as participantes poderán elaborar sinxelos e vistosos chaveiros e colgamóbiles.

Tamén este venres, a organización aproveitará para realizar o primeiro dos Sorteos de Noites Abertas onde se sortearán 15 bonos de 30€ para libros de lectura, sudadeiras e camisetas entre os socios/as do programa.


O sábado, Noites Abertas parará ata a semana que vén a súa programación para gozar do Entroido e da festa do Ravachol en Pontevedra.
Compartir
Modificar evento