Enterro do Bacallau

Tui despedirá o Entroido este domingo coa celebración do Enterro do Bacallau. A cita, que volverá ser multitudinaria, partirá ás 19.30h dende a Praza de San Fernando para facer un percorrido pola rúa Seixas, Porta da Pía, Ordóñez e Paseo da Corredoira. A comitiva fúnebre fará un alto no Cantón de Diomedes para dar lectura ao testamento do Bacallau e as coplas. Logo continuará pola Praza da Inmaculada, rúa Augusto González Besada, e enlace da rúa Ourense ata o aparcamento municipal onde se procederá á incineración do Bacallau.