O vindeiro sábado 22 de abril, coincidindo coas festas patronais de San Telmo, celebrarase o III ENCONTRO DE BANDAS DE GAITAS CIDADE DE TUI na praza de San Fernando (fronte a Catedral de Tui).

Nesta edición o Encontro contará coas bandas convidadas Banda de Gaitas Xuntanza de Catalunya (Barcelona), Sons de la Cossetània (Tarragona), Banda de Gaitas Provincia de Pontevedra e a banda anfitriona Banda de Gaitas San Xoán (Paramos, Tui).

O longo do día faranse diversos desfiles polas rúas da cidade que incluirán miniconcertos das bandas en varios puntos da cidade.

As 21:30 horas celebrarase o concerto de tódalas bandas fronte a fachada da Catedral (en caso de choiva farase na Igrexa de Santo Domingos) cun gran espetáculo de luz e son.