Expertos nacionais e internacionais reúnense en Palexco na Coruña esta fin de semana na III edición do Congreso Blockchain

É lugar perfecto para almacenar dereitos de propiedade, credenciais, identidades (de obxectos ou persoas) e acordos entre partes.


Os contidos presentados neste congreso, e que se prolongarán de venres e domingo, diríxense a emprendedores, autónomos, pemes e profesionais, que queren analizar estas tecnoloxías e queren coñecer máis e/ou profundar no seu uso. Neste sentido, trataranse temas sobre aspectos legais, fiscais e de regulación da situación de Blockchain en España. Tamén abordarán as posibilidades en industria financeira e medios de pago, real estate, innovación, transformación dixital e redes sociais descentralizadas.

Entre os relatores atópase o deputado nacional e doutor en Enxeñería de Telecomunicacións Teodoro García Egea, que será o encargado de contar aos asistentes a situación de Blockchain en España e a súa futura lexislación. A súa charla será o mañá, venres 14 ás 12,30 horas.

Participarán tamén expertos das asociacións AgalBit e Blockchain Gal xunto a expertos de Tecnalia, Grant Thorthon e Telefónica, que darán as pinceladas sobre estas tecnoloxías desde cero, ata facer unha anatomía dos contratos intelixentes co obxectivo de facer un achegamento á compresión.