Galego
EspañolA artesanía galega continúa coa súa internacionalización na Feira L'Artigiano de Milán
Un total de 12 obradoiros artesáns galegos participan ata o 8 de decembro na feira internacional L’Artigiano in Fiera de Milán co apoio da Consellería de Economía e Industria.
A participación no maior encontro internacional de artesanía forma parte da estratexia de impulso ao sector artesán que desenvolve a Consellería, centrada na aposta pola innovación e o deseño, a formación e a mellora da comercialización. Neste eido estase a reforzar a presenza do produto artesán galego en feiras internacionais de prestixio co obxectivo de dar a coñecer o traballo dos profesionais galegos, e abrir novas canles cara ao exterior, ao tempo que contribúe á consolidación da marca Artesanía de Galicia como selo de calidade e de prestixio nos mercados internacionais.
En L’Artigiano in Fiera poderánse ver os obradoiros de xoiería en prata ARomero (A Coruña) e Silvereira (Teo); os artesáns do coiro Santín (Cambre) e Jatafarta (Santiago); os complementos de Joyas de Papel, (Nigrán), Pendiente de un Hilo (Vigo), ComoCuando (Vigo) e Montse Betanzos (O Grove); o obradoiro téxtil Le Chanelas (Vigo); os ceramistas Ferreira Cerámica (Vigo) e Taller Nordés (Carnota); e as creacións de Ventanas al Pasado (Ponteareas).
L’Artigiano in Fiera chega á súa 18ª edición coma o maior evento internacional da artesanía, no que se resalta a capacidade dos creadores de realizar obxectos fermosos e de calidade. A feira reúne uns 3.000 artesáns de 110 países do mundo, en oito pavillóns do recinto Fieramilano (Rho), sendo visitada por máis de 3 millóns de persoas durante os 9 días nos que abre ao público. Así, L’Artigiano in Fiera consolídase como punto de encontro dos pequenos empresarios de todo o mundo e unha oportunidade para activar novas relacións comerciais.
Coincidindo coa inauguración da feira presentarase un novo proxecto de Ge.Fi., entidade organizadora da feira, que busca abrir novos mercados. Trátase de Make Hand Buy, unha plataforma exclusiva para os participantes en L’Artigiano e que permitirá seguir vendendo online os produtos dos obradoiros durante os 365 días do ano, ata que comece a seguinte edición da feira.
A participación no maior encontro internacional de artesanía forma parte da estratexia de impulso ao sector artesán que desenvolve a Consellería, centrada na aposta pola innovación e o deseño, a formación e a mellora da comercialización. Neste eido estase a reforzar a presenza do produto artesán galego en feiras internacionais de prestixio co obxectivo de dar a coñecer o traballo dos profesionais galegos, e abrir novas canles cara ao exterior, ao tempo que contribúe á consolidación da marca Artesanía de Galicia como selo de calidade e de prestixio nos mercados internacionais.
En L’Artigiano in Fiera poderánse ver os obradoiros de xoiería en prata ARomero (A Coruña) e Silvereira (Teo); os artesáns do coiro Santín (Cambre) e Jatafarta (Santiago); os complementos de Joyas de Papel, (Nigrán), Pendiente de un Hilo (Vigo), ComoCuando (Vigo) e Montse Betanzos (O Grove); o obradoiro téxtil Le Chanelas (Vigo); os ceramistas Ferreira Cerámica (Vigo) e Taller Nordés (Carnota); e as creacións de Ventanas al Pasado (Ponteareas).
L’Artigiano in Fiera chega á súa 18ª edición coma o maior evento internacional da artesanía, no que se resalta a capacidade dos creadores de realizar obxectos fermosos e de calidade. A feira reúne uns 3.000 artesáns de 110 países do mundo, en oito pavillóns do recinto Fieramilano (Rho), sendo visitada por máis de 3 millóns de persoas durante os 9 días nos que abre ao público. Así, L’Artigiano in Fiera consolídase como punto de encontro dos pequenos empresarios de todo o mundo e unha oportunidade para activar novas relacións comerciais.
Coincidindo coa inauguración da feira presentarase un novo proxecto de Ge.Fi., entidade organizadora da feira, que busca abrir novos mercados. Trátase de Make Hand Buy, unha plataforma exclusiva para os participantes en L’Artigiano e que permitirá seguir vendendo online os produtos dos obradoiros durante os 365 días do ano, ata que comece a seguinte edición da feira.
Gabinete de Comunicación da Xunta de Galicia
