Vilaxoán conta as horas para o Revenidas15

A expectación é alta para o comezo do Festival Revenidas que por doceavo ano consecutivo encherá a pequena vila mariñeira de Vilaxoán en Vilagarcía a miles de persoas para disfrutar da sardiñada popular, actividades de balde para todos os públicos como maxia, circo, teatro, feira de creatividade ou pasarrúas, así como 26 concertos nos tres días de festival. Revenidas consolídase como unha das citas musicais do verán nas Rías Baixas.

Concertos, actividades de balde para todos os públicos, unha gran sardiñada popular e unha Gala Solidaria de Circo co Pobo Saharaui constitúen a máis completa, ambiciosa e internacional das propostas relizadas nas doce eidición deste festival.

En total 26 concertos con bandas de diversas procedencias (Galiza, Valencia, Euskadi, Madrid, Canada, Italia e Estados Unidos) e estilos (reggae, ska, rock, garage, punk, pop, electrónica, balcánica, swing, folque, pop, hardcore, rap e hip hop).

Entre os artistas presentes destacan os americanos S.O.J.A. varias veces nominados aos Gramy polos seus traballo e traxectoria que xa son un referente mundial do reggae. Será a primeira vez que están en Galicia. Banda Bassotti, La Raíz, Heredeiros, Los Chikos del Maíz, Zoo, Familia Caamagno, The Mahones, Terbutalina, Nao, Dakidarría ou Swindigentes, son algunhas das bandas que pasarán polos escenarios do porto de Vilaxoán.

O festival conta con dúas zonas de camping de balde para aquelas persoas que dispoñan dun bono, cuio venda por internet estará aberta ata a noite do xoves dende a web do festival: http://www.revenidas.com. A oferta do festival complétase coa Feira Revenida, na que a creatividade, artesanía e talento únense para achegar unha oferta da innovación actual en Galicia.