Emilio José Casariego Vales, pregoeiro da Semana Santa de Viveiro 2016

O sábado, 19 de marzo, Viveiro acolle o pregón da Semana Santa 2016 a cargo do presidente da Asociación Española de Medicina Interna, Emilio José Casariego. Será nun acto previsto ás 20:30h no Teatro Pastor Díaz e contará co complemento musical a cargo da Coral Polifónica Alborada, tamén de Viveiro.

O programa de difusión cultural da Semana Santa comeza o 27 de febreiro co CI Certame de Bandas que ten un carácter benéfico a prol de Cáritas. Interveñen a Banda Tau, a Banda Naval de CCTT dp Casino, a Banda Nª Señora da Misericordia, a Agrupación Musical Virgen del Carmen de Ferrol e a Agrupación Musical Cofradía del Dulce Nombre de Jesús Nazareno de León.

Continúa o programa o 2 de marzo na Igrexa de Santa María coa conferencia organizada pola Adoración Nocturna de Viveiro a cargo de Cecilio Raúl Berzosa, sobre "A Eucaristía, fonte e sistento da Misericordia". O xoves 3 de marzo e o sábado 5 de marzo, de novo a música é a protagonista cun concerto dos Grupos de Vento do Conservatorio de Viveiro e outro da Orquestra de nenos da Sinfónica de Galicia ás 20:30h no Salón Multiusos do Concello e ás 19:30h no Teatro Pastor Díaz, respectivamente.

A Orquestra de corda do Conservatorio de Viveiro acompañada da soprano solista Mariví Maragoto, e o Concerto de Música Relixiosa do Século XX pola Banda Municipal de Música de Viveiro centran as actividades dos días 11 e 12. O martes, 15 de marzo, preséntase a revista "Pregón" e inaugúrase a exposición: "Sacramentos, Cauces da Misericordia" na Biblioteca Municipal, coa presenza do administrador diocesano da Diócese de Mondoñedo-Ferrol, Antonio Rodríguez Basanta.