Expourense consolidouse como plataforma para a competitividade e internacionalización empresarial 2015

A delegada territorial da Xunta en Ourense, Marisol Díaz Mouteira, participou na rolda de prensa e subliñou que Expourense consolídase como unha plataforma que contribúe, a través da organización de citas únicas, a fomentar a competitividade das empresas galegas e a facilitar contactos internacionais, sobre todo en sectores estratéxicos como o termalismo, a gastronomía ou a viticultura.

Díaz Mouteira felicitou ao equipo de Expourense polos resultados obtidos durante 2015 e animouno a seguir traballando para que “este recinto e os eventos que nel se organizan, sigan sendo motivo de orgullo para os galegos”.

A delegada territorial concluíu expresando a súa confianza de que estas cifras van medrar considerablemente coa futura construción no recinto feiral da primeira pista de atletismo hidráulica cuberta de Galicia, acordada onte no Padroado. “Este compromiso institucional permitirá un mellor aproveitamento das instalacións e diversificar a actividade deste recinto feiral e aumentará o número de días de uso da instalación”, sinalou Díaz Mouteira.