O festival coruñés Autobom de cómic autoeditado acada este febreiro a súa duodécima edición

O Autobán, e a súa versión de inverno Autobom, son a festa dos autores e autoras de banda deseñada que publican os seus propios traballos. Nos últimos anos o Autobán sitouse como un punto de referencia inexcusable na Península Ibérica para os amantes dos fanzines, do cómic independente e das novas xeracións de valores, que encontraron no evento coruñés unha lanzadeira ideal e un punto de confluencia caracterizado polo bo ambiente. Este ano contarase con nomes habituais no panorama galego, tanto mozos como sinaturas consagradas.

O Autobom transcurrirá o sábado 22 de febreiro na Nave 1839, na coruñesa estación de ferrocarrís de San Cristobo, dende as 17:30 ata as 23 h. Podedes consultar a programación na nosa web, e tamén vola achegamos a continuación...

PROGRAMACIÓN

17:00 | Apertura de portas

17:30 a peche | MERCADO DE FANZINES
O Mercado de fanzines ofrece a oportunidade de mostrar e vender o seu material a autores e autoras, colectivos, proxectos de autoedición e microeditoriais.

17:30 - 19:00 | FALADOIRO: Vasos comunicantes entre a BD e a animación
BD e animación, medios próximos e ao mesmo tempo afastados. É doado dar o salto dun a outro?
Falaremos con varios debuxantes que o fixeron para que nos conten a súa experiencia e dean consellos para poñer as nosas viñetas en movemento.
- David Fidalgo Omil (Homomaquia, Cartas a Superman)
- Giovanna Lopalco (Season)
- Martín Romero (La Noche)
- Alberto Vázquez (Birdboy, Sangre de Unicornio, Decorado)
- Modera: Óscar Iglesias

19:00 - 19:45 | AUTOCINE
O Autocine consiste na proxección de curtas de animación independentes, especialmente escollidas por Martin Romero. Visualizaremos as seguintes pezas:  
- "Love" Reka Bucsi
- "Muedra" César Díaz Meléndez
- "Zepo" César Díaz Meléndez
- "The Full Story" Daisy Jacobs

20:00 - 21:30 | XINCANA DEBUXEIRA: As probas ilustradas de Don Debuxo
Don Debuxo, figura clave para o mundo da ilustración, decide elixir a un grupo de sucesores para confiarlles a súa sabedoría e luxosos tesouros.
Para tal fin dispoñerá probas ás que os participantes terán que facer fronte para gañar o favor do magnate do debuxo.

21:30 | FESTA DE DESFRACES
Festa de disfraces coa actuación en directo do xenial DJ Gramola.
Ademáis, GRAN CONCURSO DE DISFRACES con SEKONE como presentador de excepción e un xurado formado por PAULA, LUIS e ROQUE.