Galego
EspañolGalicia será un dos referentes mundiais na maior feira internacional de Pesca
Galicia será un dos referentes destacados no sector pesqueiro internacional, da man da Consellería de Pesca e Asuntos Marítimos, na European Seafood Exposition 2007 que se celebra
en Bruxelas (Bélxica) do 24 ao 26 de Abril de 2007. Este certame mundial xuntou, na súa última edición, a preto de 1.300 expositores de 100 países nunha superficie de exposición que ocupou máis de 20.000 metros cadrados.
Este ano a feira dispón de 33.000 m2 de exposición na que participan 1.600 empresas de 77 países. A representación galega, ademais da parte institucional, está composta por 53 coexpositores, entre os que figuran as principais asociacións do
sector e as firmas máis destacadas da extracción, cultivo, procesado e distribución de peixe acollidos por un espazo común, baixo a marca Galicia. A mostra galega desenvolverase no pavillón 7 do Brussels Exhibition Centre, dispoñendo para iso dun espazo de 898 m2, disposto en dúas illas de 6 x 32 m, dúas de 7 x 32 m e unha de 3 x 22 m. A estas dimensións engadiráselle un entresollado onde se aloxarán os espazos
destinados á representación institucional da Consellería de Pesca e Asuntos Marítimos, dotada de despacho, área de estar e relacións públicas e salas de reunións.
Na primeira xornada o director xeral de Estruturas e Mercados da Pesca do departamento que dirixe Carmen Gallego, José Manuel López Rodríguez, abre o encontro Eurofish que do 24 ao 25 de Abril, congrega na feira a 170 empresas do sector pesqueiro de América Latina e a Unión Europea.
Esta iniciativa, copatrocinada entre a UE e a Xunta de Galicia, desenvolverase nun stand propio de 280 m2 no que se xestiona unha axenda de contactos comerciais de preto de 600 encontros.
A continuación, o director xeral tamén presenta un novo e actualizado directorio profesional de empresas do sector pesqueiro galego que ten como obxectivo favorecer as actividades comerciais das empresas de Galicia vencelladas ao mar. A nova base de datos conta con máis de 700 rexistros de empresas cuxos epígrafes de contacto foron completamente
actualizados para mellorar a interacción das firmas galegas nos mercados nacionais e internacionais. Finalmente, José Manuel López Rodríguez, comparte un xantar de traballo cunha delegación institucional mexicana coa que se pretende sentar as bases de futuras colaboracións entre ambas administracións.
O deseño do stand de Galicia na feira parte da aplicación dunha imaxe en ondas sobre as áreas de coexposición, cunha proposta que mantén as formas e as imaxes penduradas dunha estrutura específica de aceiro pulido, suxeita do teito do pavillón á máxima altura posible, para xerar unha solución envolvente nas cabeceiras da dobre onda que forma o dintel sinuoso das áreas de exposición.
É de destacar tamén a implantación de imaxes gráficas retroiluminadas de grande formato nos espazos de recepción, no vestíbulo principal e no restaurante. Ademais da representación comercial individualizada que faga cada unha das empresas participantes no stand da Consellería de Pesca e Asuntos Marítimos, realizaranse unha serie de degustacións de produtos
galegos do mar, durante os tres días de celebración do certame.
en Bruxelas (Bélxica) do 24 ao 26 de Abril de 2007. Este certame mundial xuntou, na súa última edición, a preto de 1.300 expositores de 100 países nunha superficie de exposición que ocupou máis de 20.000 metros cadrados.
Este ano a feira dispón de 33.000 m2 de exposición na que participan 1.600 empresas de 77 países. A representación galega, ademais da parte institucional, está composta por 53 coexpositores, entre os que figuran as principais asociacións do
sector e as firmas máis destacadas da extracción, cultivo, procesado e distribución de peixe acollidos por un espazo común, baixo a marca Galicia. A mostra galega desenvolverase no pavillón 7 do Brussels Exhibition Centre, dispoñendo para iso dun espazo de 898 m2, disposto en dúas illas de 6 x 32 m, dúas de 7 x 32 m e unha de 3 x 22 m. A estas dimensións engadiráselle un entresollado onde se aloxarán os espazos
destinados á representación institucional da Consellería de Pesca e Asuntos Marítimos, dotada de despacho, área de estar e relacións públicas e salas de reunións.
Na primeira xornada o director xeral de Estruturas e Mercados da Pesca do departamento que dirixe Carmen Gallego, José Manuel López Rodríguez, abre o encontro Eurofish que do 24 ao 25 de Abril, congrega na feira a 170 empresas do sector pesqueiro de América Latina e a Unión Europea.
Esta iniciativa, copatrocinada entre a UE e a Xunta de Galicia, desenvolverase nun stand propio de 280 m2 no que se xestiona unha axenda de contactos comerciais de preto de 600 encontros.
A continuación, o director xeral tamén presenta un novo e actualizado directorio profesional de empresas do sector pesqueiro galego que ten como obxectivo favorecer as actividades comerciais das empresas de Galicia vencelladas ao mar. A nova base de datos conta con máis de 700 rexistros de empresas cuxos epígrafes de contacto foron completamente
actualizados para mellorar a interacción das firmas galegas nos mercados nacionais e internacionais. Finalmente, José Manuel López Rodríguez, comparte un xantar de traballo cunha delegación institucional mexicana coa que se pretende sentar as bases de futuras colaboracións entre ambas administracións.
O deseño do stand de Galicia na feira parte da aplicación dunha imaxe en ondas sobre as áreas de coexposición, cunha proposta que mantén as formas e as imaxes penduradas dunha estrutura específica de aceiro pulido, suxeita do teito do pavillón á máxima altura posible, para xerar unha solución envolvente nas cabeceiras da dobre onda que forma o dintel sinuoso das áreas de exposición.
É de destacar tamén a implantación de imaxes gráficas retroiluminadas de grande formato nos espazos de recepción, no vestíbulo principal e no restaurante. Ademais da representación comercial individualizada que faga cada unha das empresas participantes no stand da Consellería de Pesca e Asuntos Marítimos, realizaranse unha serie de degustacións de produtos
galegos do mar, durante os tres días de celebración do certame.
Gabinete de Comunicación da Consellería de Pesca e Asuntos Marítimos da Xunta de Galicia
