Galego
EspañolO proxecto Irimia gaña o concurso para o deseño do pabellón de Galicia na Expo Zaragoza 2008
A Consellaría de Innovación e Industria, a través da Sociedade Anónima de Xestión do Plan Xacobeo, fallou o concurso para o deseño e creación dun proxecto para o pavillón de Galicia na Expo de Zaragoza 2008. No concurso resultou gañador o proxecto titulado Irimia da empresa Expociencia. En total achegáronse once propostas procedentes de todo o Estado.
O xurado, que estivo presidido polo conselleiro de Innovación e Industria, Fernando Blanco, e integrado por un total de dez persoas, entre arquitectos, técnicos xurídicos e especialistas na materia, foi unánime na súa decisión. Valorou nos gañadores a orixinalidade, o fondo carácter innovador e a axeitada resolución arquitectónica do seu proxecto. Os premiados serán agora os encargados de redactar o proxecto definitivo para o pavillón que deberá presentar este mesmo mes de setembro e dirixirán así mesmo as obras.
Premios para gañadores e finalistas
A convocatoria deste concurso prevía ademais unha serie de premios aos tres mellores proxectos. Así, o gañador percibirá un primeiro premio de 50.000 euros; o primeiro finalista, 20.000 euros, e o segundo finalista, 10.000 euros polo seu proxecto. Expociencia foi a empresa gañadora do concurso e dos 50.000 euros. Estudio Santos Zas S.L. e Graíño Nieto Arquitectos S.L., xunto con Pórtico Comunicaciones S.L. e La Nuestra Comunicación Publicitaria constitúen o grupo que se alzou co premio de primeiro finalista que supón 20.000 euros. E-Cultura Net S.A. foron os galardoados co premio de segundo finalista con 10.000 euros.
A Consellaría de Innovación e Industria prevé un investimento de 1 millón de euros para a construción final do pavillón. A achega total estimada para a promoción de Galicia na Expo de Zaragoza alcanza os dous millóns de euros.
O xurado, que estivo presidido polo conselleiro de Innovación e Industria, Fernando Blanco, e integrado por un total de dez persoas, entre arquitectos, técnicos xurídicos e especialistas na materia, foi unánime na súa decisión. Valorou nos gañadores a orixinalidade, o fondo carácter innovador e a axeitada resolución arquitectónica do seu proxecto. Os premiados serán agora os encargados de redactar o proxecto definitivo para o pavillón que deberá presentar este mesmo mes de setembro e dirixirán así mesmo as obras.
Premios para gañadores e finalistas
A convocatoria deste concurso prevía ademais unha serie de premios aos tres mellores proxectos. Así, o gañador percibirá un primeiro premio de 50.000 euros; o primeiro finalista, 20.000 euros, e o segundo finalista, 10.000 euros polo seu proxecto. Expociencia foi a empresa gañadora do concurso e dos 50.000 euros. Estudio Santos Zas S.L. e Graíño Nieto Arquitectos S.L., xunto con Pórtico Comunicaciones S.L. e La Nuestra Comunicación Publicitaria constitúen o grupo que se alzou co premio de primeiro finalista que supón 20.000 euros. E-Cultura Net S.A. foron os galardoados co premio de segundo finalista con 10.000 euros.
A Consellaría de Innovación e Industria prevé un investimento de 1 millón de euros para a construción final do pavillón. A achega total estimada para a promoción de Galicia na Expo de Zaragoza alcanza os dous millóns de euros.
Gabinete de Comunicación da Consellería de Innovación e Industria da Xunta de Galicia
