Galego
EspañolO secretario xeral de Pesca visita o Instituto Náutico-Pesqueiro de Walbis Bay (Namibia)
O secretario xeral da Consellería de Pesca e Asuntos Marítimos, Miguel Ángel López Sieiro, acompañado por representantes do departamento que dirixe Carmen Gallego, visitou as instalacións do Instituto Náutico-Pesqueiro de Walbis Bay (Namfi) en Namibia, onde foi informado das actividades que se desenvolven na escola durante o actual exercicio.
A colaboración entre Pesca e Namfi vén sendo habitual e constante nos últimos anos e boa proba disto é que dous técnicos da Consellería se atopan no centro dende comezos de 2007 co obxectivo de contribuír ao fortalecemento da formación impartida no Instituto Náutico-Pesqueiro de Walbis Bay.
Durante o percorrido pola escola, o director do centro explicoulle que as actuacións que se desenvolven en Namfi este ano están orientadas a reforzar o ciclo formativo para atender a demanda de profesionais, sobre todo por parte das empresas galegas instaladas en Namibia. Neste eido enmárcase como novidade a previsión de realizar unha titoría das prácticas que os alumnos leven a cabo nas empresas e nos barcos do sector pesqueiro galego no país africano.
A visita ao Instituto Náutico-Pesqueiro forma parte da viaxe que López Sieiro realiza ao país africano e que tamén lle permitirá asistir na xornada do venres á inauguración da nova planta do Grupo Pereira na localidade de Walbis Bay. Ademais, ese mesmo día, manterá unha xuntanza cos ministros de Pesca e de Transportes do Goberno namibio para tratar asuntos de interese para as dúas rexións e reunirase, así mesmo, co sector pesqueiro galego que opera no país africano, para facer un seguimento das actividades que estas empresas están desenvolvendo.
Colaboración con Namibia
A cooperación entre a administración pesqueira galega e o Goberno namibio vén sendo constante dende que Carmen Gallego está á fronte de Pesca. De feito, a finais de 2006, a Conselleira realizou a súa primeira viaxe institucional ao país africano e aproveitou a ocasión para entrevistarse co primeiro ministro e co responsable do departamento de Pesca. Froito deses encontros foi o compromiso de Gallego Calvar de intensificar a colaboración galego-namibia en proxectos de acuicultura, investigación, control da calidade dos produtos pesqueiros e formación (especialmente con Namfi).
Así mesmo, en xuño de 2007, a Conselleira reuniuse en Vigo co director do Instituto Náutico-Pesqueiro de Walbis Bay e co responsable do departamento de Navegación da escola, mostrando novamente o apoio do seu departamento a Namfi. Esa axuda vense materializando a través do desprazamento de dous técnicos de Pesca de Galicia á escola, ofrecemento das instalacións da Consellería para acoller a técnicos
namibios e dun importante investimento económico no centro.
A colaboración entre Pesca e Namfi vén sendo habitual e constante nos últimos anos e boa proba disto é que dous técnicos da Consellería se atopan no centro dende comezos de 2007 co obxectivo de contribuír ao fortalecemento da formación impartida no Instituto Náutico-Pesqueiro de Walbis Bay.
Durante o percorrido pola escola, o director do centro explicoulle que as actuacións que se desenvolven en Namfi este ano están orientadas a reforzar o ciclo formativo para atender a demanda de profesionais, sobre todo por parte das empresas galegas instaladas en Namibia. Neste eido enmárcase como novidade a previsión de realizar unha titoría das prácticas que os alumnos leven a cabo nas empresas e nos barcos do sector pesqueiro galego no país africano.
A visita ao Instituto Náutico-Pesqueiro forma parte da viaxe que López Sieiro realiza ao país africano e que tamén lle permitirá asistir na xornada do venres á inauguración da nova planta do Grupo Pereira na localidade de Walbis Bay. Ademais, ese mesmo día, manterá unha xuntanza cos ministros de Pesca e de Transportes do Goberno namibio para tratar asuntos de interese para as dúas rexións e reunirase, así mesmo, co sector pesqueiro galego que opera no país africano, para facer un seguimento das actividades que estas empresas están desenvolvendo.
Colaboración con Namibia
A cooperación entre a administración pesqueira galega e o Goberno namibio vén sendo constante dende que Carmen Gallego está á fronte de Pesca. De feito, a finais de 2006, a Conselleira realizou a súa primeira viaxe institucional ao país africano e aproveitou a ocasión para entrevistarse co primeiro ministro e co responsable do departamento de Pesca. Froito deses encontros foi o compromiso de Gallego Calvar de intensificar a colaboración galego-namibia en proxectos de acuicultura, investigación, control da calidade dos produtos pesqueiros e formación (especialmente con Namfi).
Así mesmo, en xuño de 2007, a Conselleira reuniuse en Vigo co director do Instituto Náutico-Pesqueiro de Walbis Bay e co responsable do departamento de Navegación da escola, mostrando novamente o apoio do seu departamento a Namfi. Esa axuda vense materializando a través do desprazamento de dous técnicos de Pesca de Galicia á escola, ofrecemento das instalacións da Consellería para acoller a técnicos
namibios e dun importante investimento económico no centro.
Gabinete de Comunicación da Consellería de Pesca e Asuntos Marítimos da Xunta de Galicia
