Galego
EspañolPromociónase en Iberjoya a marca Artesanía de Galicia
A Consellaría de Innovación e Industria – a través da Fundación Centro Galego da Artesanía e do Deseño – leva por segundo ano consecutivo un stand institucional de Artesanía de Galicia ás feiras profesionais de Intergift e de Iberjoya, que se celebran en Madrid entre o 14 e o 18 de xaneiro, no marco da Semana Internacional do Agasallo, da Xoiaría e da Bixutaría. A xerente da Fundación Centro Galego da Artesanía e do Deseño, Maruxa Ledo Arias, viaxa a Madrid en representación da Consellaría para acompañar os oito artesáns galegos que participan nestas feiras. Deste xeito, a Consellaría de Innovación e Industria continúa coa súa campaña de apoio á promoción e á introdución do produto artesán galego nos mercados de fóra de Galiza, a través da presenza da marca en diversos eventos de prestixio internacional.
O stand que Artesanía de Galicia levará a Intergift estará situado no pavillón número 5 denominado "Fantasía" e dispón de cen metros cadrados, no que participan tres artesáns de diferentes áreas: Zimzelatum (Gondomar), especializado en metalistaría e xoiaría, Auga (Bergondo)- que realiza complementos con vidro - e Paca Peca (Santiago de Composela), que elabora complementos e bixutaría.
En canto a Iberjoya, a marca contará cun espazo de 85 m2 situado no pavillón 14.0 e no que participan cinco xoieiros artesáns: Maysil (A Estrada), Henry Huamán (Lugo), Silvereira (Teo), Druída (A Estrada) e A Feitura (A Coruña).
Como xa vén sendo habitual, os obradoiros que viaxan a Madrid co stand institucional da marca contarán cun espazo individual de exposición e venda das súas pezas así coma un almacén común. A Consellaría de Innovación e Industria encárgase de subvencionar, a través da Fundación Centro Galego da Artesanía e do Deseño, o 75% dos custes de aluguer de cada espazo individual, do transporte e do seguro das pezas e mais de lles proporcionar aos artesáns o apoio de dous profesionais que desenvolverán tarefas de tipo comercial.
A través deste tipo de actuacións, Innovación e Industria continúa coa súa estratexia de promoción da marca Artesanía de Galicia nos mercados de fóra de Galiza, tal e como está previsto no Plan de Actuacións Estratéxicas que a Consellaría está a desenvolver en materia de artesanía para o período 2007-2009. O obxectivo da Consellaría é amosar a calidade artística e artesanal das pezas que se engloban na marca Artesanía de Galicia e, ao mesmo tempo, fomentar a aparición de novas canles de comercialización para o sector artesanal galego.
O stand que Artesanía de Galicia levará a Intergift estará situado no pavillón número 5 denominado "Fantasía" e dispón de cen metros cadrados, no que participan tres artesáns de diferentes áreas: Zimzelatum (Gondomar), especializado en metalistaría e xoiaría, Auga (Bergondo)- que realiza complementos con vidro - e Paca Peca (Santiago de Composela), que elabora complementos e bixutaría.
En canto a Iberjoya, a marca contará cun espazo de 85 m2 situado no pavillón 14.0 e no que participan cinco xoieiros artesáns: Maysil (A Estrada), Henry Huamán (Lugo), Silvereira (Teo), Druída (A Estrada) e A Feitura (A Coruña).
Como xa vén sendo habitual, os obradoiros que viaxan a Madrid co stand institucional da marca contarán cun espazo individual de exposición e venda das súas pezas así coma un almacén común. A Consellaría de Innovación e Industria encárgase de subvencionar, a través da Fundación Centro Galego da Artesanía e do Deseño, o 75% dos custes de aluguer de cada espazo individual, do transporte e do seguro das pezas e mais de lles proporcionar aos artesáns o apoio de dous profesionais que desenvolverán tarefas de tipo comercial.
A través deste tipo de actuacións, Innovación e Industria continúa coa súa estratexia de promoción da marca Artesanía de Galicia nos mercados de fóra de Galiza, tal e como está previsto no Plan de Actuacións Estratéxicas que a Consellaría está a desenvolver en materia de artesanía para o período 2007-2009. O obxectivo da Consellaría é amosar a calidade artística e artesanal das pezas que se engloban na marca Artesanía de Galicia e, ao mesmo tempo, fomentar a aparición de novas canles de comercialización para o sector artesanal galego.
Gabinete de Comunicación da Consellería de Innovación e Industria da Xunta de Galicia
