O stand Lugo Terra promociona turísticamente a provincia na Feira de Bilbao

A deputada nacionalista e responsable da área de turismo, Mª Xosé Vega Buján, viaxa ata Bilbao para participar na feira Expovacaciones e avaliar a marcha da mesma.

A 30 edición da feira celebrarase do 7 ao 10 de maio no Bilbao Exhibition Centre (BEC), coa participación de 15 comunidades autónomas e 18 países, con Croacia como invitado de honor. Tamén estarán presentes axencias de viaxes, maioristas e xestores de viaxes, hoteis, apartamentos, compañías de transporte e empresas de diversas modalidades de turismo como rural, urbano, activo y deportivo. En total este ano a feira incrementa os seus expositores pasando de 752 en 2008 a 767.

Xunto a Expovaciones celebrarase a 35 edición de Expoconsumo, o concurso de deseño de moda Creamoda, a pasarela de peluquería e estética Creaimagen e a segunda edición de Expovino Bilbao.
O departamento de turismo da Deputación de Lugo inviste nesta feira un total de 20.000 €, repartidos entre o transporte do stand, o servizo de atención ao público e a reserva de espazo, consistindo este último nunha illa de 4 caras.

O stand Lugo Terra foi unha iniciativa de Vega Buján á súa chegada ao ente provincial como o instrumento de promoción e información da Provincia de Lugo nas diversas feiras turísticas ou gastronómicas ás que acode a Deputación, recibindo incluso premios nas feiras de Silleda, Vigo e Lugo.

Segundo Mª Xosé Vega Buján “a feira de Bilbao é unha oportunidade para promocionar a provincia de Lugo dentro do turismo interior da península e no marco dunha exposición con anos de experiencia e profesionalidade no sector, nunha terra afín a nosa como é o País Vasco, dende a cal recibimos moitos visitantes ano tras ano, interesados en tódolos rincóns de cada unha das zonas turísticas de Lugo”.

Este stand promociona tamén a marca “E, para comer, Lugo…” segundo se acordou na comisión de goberno do 24 de abril segundo a cal as áreas da Deputación utilizarán esta marca en todos os eventos que impulsen. A marca está impulsada por a Asiciación Provincial de Hostaleiros, relacionando grastronomía de calidade con Lugo.