Avatar de Pexegueiro fíxose co premio no Desfile Concurso de Entroido en Tui, cunha fiel representación da película James Cameron

A comparsa Avatar de Pexegueiro cunha fiel representación da película James Cameron fíxose co primeiro premio no Desfile Concurso de Entroido, e a súa carroza unha espectacular representación dun paxaro voador animado. O segundo premio absoluto foi para Cantos Somos cunha representación do 125 aniversario da ponte internacional e do irmanamento entre Tui e Valença. Esta comparsas de Tui levouse tamén o segundo premio en carrozas por unha minuciosa representación da vella Ponte Internacional. Dende Salceda a comparsa O Borralliño de Soutelo co circo levouse o terceiro premio absoluto. O cuarto correspondeu aos Budas Macanudos de Gondomar, e o cuarto foi para o Show de Luar de Caldelas. Sextos foron Luces de Tomiño por unha parodia dos exipcios.

Xa en carrozas levouse o terceiro premio o circo do Borraliño de Soutelo, e cuarto o dinosaurio de Pexegueiro con “A Caza do dinosaurio”, o quinto foi para as representacións dunha esfixie, e outros motivos exipcios de Luces de Tomiño, e o buda de os Budasmacanudos levouse o sexto premio en carrozas.


Xa en acompañamento musical o primeiro premio correspondeu a Avatar, o segundo foi para Cantos Somos e o terceiro para o Show de Luar.


Por último no premio especial de fantasía creado este ano Revolución Show de Tomiño levouse o galardóns pola súa fantasía indú.




Miles de persoas ateigaron as rúas novas de Tui para presenciar o paso deste Desfile-Concurso de Entroido que organiza anualmente a Concellería de Cultura. A boa climatoloxía con temperaturas moi agradables propiciou que numeroso público se achegase dende primeira hora da tarde a presenciar o paso das comparsas e dos grupos.















Todas as comparsas e grupos participantes deben acudir o próximo domingo ao Enterro do Bacallau que vai saír ás 19.30h dende a Praza de San Fernando.