Skip to main content

Os Foros ecolóxicos da Barbanza sacan de novo os “Sachos á rúa”

Por iso, o vindeiro sábado en Rianxo poderás degustar pratos vexetarianos de Porto do Son ou cervexa artesá de Lousame, mentres escoitas música tradicional ou ves os artesáns facendo algunha demostración dos seus oficios.

Igual que na primeira Feira en Ribeira, poderás facer a compra da semana mercando produtos fresquiños directos das hortas da contorna. E sen esquecer o coidado da pel, tamén estarán dispoñibles nesta Feira Labrega, xabóns, cosméticos naturais e plantas menciñeiras.

Este evento xurde dos Foros ecolóxicos da Barbanza, que son asembleas de persoas interesadas polos temas de agricultura ecolóxica, alimentación sa e o comercio xusto. Este colectivo percibe a necesidade de crear puntos de encontro como as Feiras Labregas onde poder atopar produtos naturais, libres de agrotóxicos e sen organismos modificados xeneticamente. Ademais pretenden poñer a andar asociacións e cooperativas de produción e consumo ecolóxicos na Barbanza.
Foros Ecolóxicos do Barbanza