Galego
EspañolA Xunta, na Feira Internacional do Libro Infantil e Xuvenil de Bolonia
A Consellería de Cultura e Turismo, a través da Dirección Xeral de Difusión e Promoción da Cultura leva á Feira Internacional do Libro Infantil e Xuvenil de Bolonia 2010 (Italia) un stand propio no que se mostrarán as novidades editoriais galegas e darase a coñecer a obra dos autores galegos nunha das principais citas anuais do mundo editorial.
Esta feira vai ter lugar na cidade italiana de Bolonia do 23 ao 26 de marzo e contará coa presenza do director xeral de Difusión e Promoción da Cultura, Francisco López. O 23 de marzo, día do comezo da feira, Francisco López participará na rolda de presa de presentación do Congreso do IBBY, que se celebrará o vindeiro mes de setembro en Santiago de Compostela. O 24 de marzo, o director xeral presentará no stand o catálogo do libro infantil e xuvenil coordinado por Gálix (Asociación Galega do Libro Infantil e Xuvenil) e editado pola Consellería de Cultura e Turismo.
Nesta ocasión, serán 17 as editoriais galegas as que expoñan os seus produtos no Stand de Galicia: Kalandraka (inclúe Factoría K), Everest Galicia, Rodeira,Baía, OQO, A Nosa Terra, Edicións Xerais de Galicia, Editorial Nova Galicia, El Patito Editorial, Sotelo Blanco, Tambre, Biblos Clube de Lectores, Obradoiro – Santillana, Galaxia,Primera Persona, Toxosoutos e Xerme.
Os escritores Antonio García Teijeiro e Fina Casalderrey tamén estarán no stand de Galicia en Bolonia para participar en diversas presentacións con axentes e editores de diversos gremios e asociacións europeas. Asemade, asistirán os ilustradores David Pintor, seleccionado pola organización da feira para a mostra de ilustradores e Manel Craneo proposto pola AGPI (Asociación Galega de Profesionais da Ilustración).
Entre os actos previstos o día 24 haberá neste stand unha xuntanza de editores galegos con outros europeos (Hungría, Polonia e Eslovenia) para o intercambio de dereitos. En canto aos dous escritores participarán en diversas presentacións con axentes e editores de diversos gremios europeos e asociacións.
Presenza internacional
A literatura infantil galega está a pasar un dos seus mellores momentos. Escritores con premios, traducións de recoñecemento social, ilustradores que están sendo chamados de todas partes, selos editoriais que están sendo referencia internacional e multitudes de iniciativas que nos poñen no ollo de mira non só no noso territorio senón máis alá das nosas fronteiras.
En Galicia está a emerxer unha literatura e unha industria editorial vigorosa e sólida, con nomes que destacan pero tamén como unha proposta plural e diversa na que podemos atopar todos os xéneros e rexistros. Este tempo de esplendor da literatura infantil e xuvenil correspóndese coa concesión de premios e recoñecementos de prestixio como é a incorporación de títulos galegos a lista de honra do IBBY, á Biblioteca Internacional e Xuventude de Munic ou o Banco do Libro de Venezuela.
Nomes dos nosos escritores e ilustradores atópanse xa nos listados de máis prestixio e axudan a promover unha literatura que se mostra ao mundo en pleno auxe. Nesta liña, Santiago de Compostela acollerá do 8 o 12 de setembro o Congreso Internacional do IBBY, que terá como tema central A forza das minorías.
A Consellería de Cultura e Turismo, a través da Dirección Xeral de Difusión e Promoción da Cultura, colabora coa Asociación Galega do Libro Infantil e Xuvenil (Galix) para a edición do catálogo Libros infantís e xuvenís de Galicia 2010, que pretende achegar a literatura escrita galega para os máis novos aos nenos e nenas de todo o mundo. Dende o Stand de Galicia repartirase este catálogo e o material promocional do Ano do Libro e da Lectura.
Esta feira vai ter lugar na cidade italiana de Bolonia do 23 ao 26 de marzo e contará coa presenza do director xeral de Difusión e Promoción da Cultura, Francisco López. O 23 de marzo, día do comezo da feira, Francisco López participará na rolda de presa de presentación do Congreso do IBBY, que se celebrará o vindeiro mes de setembro en Santiago de Compostela. O 24 de marzo, o director xeral presentará no stand o catálogo do libro infantil e xuvenil coordinado por Gálix (Asociación Galega do Libro Infantil e Xuvenil) e editado pola Consellería de Cultura e Turismo.
Nesta ocasión, serán 17 as editoriais galegas as que expoñan os seus produtos no Stand de Galicia: Kalandraka (inclúe Factoría K), Everest Galicia, Rodeira,Baía, OQO, A Nosa Terra, Edicións Xerais de Galicia, Editorial Nova Galicia, El Patito Editorial, Sotelo Blanco, Tambre, Biblos Clube de Lectores, Obradoiro – Santillana, Galaxia,Primera Persona, Toxosoutos e Xerme.
Os escritores Antonio García Teijeiro e Fina Casalderrey tamén estarán no stand de Galicia en Bolonia para participar en diversas presentacións con axentes e editores de diversos gremios e asociacións europeas. Asemade, asistirán os ilustradores David Pintor, seleccionado pola organización da feira para a mostra de ilustradores e Manel Craneo proposto pola AGPI (Asociación Galega de Profesionais da Ilustración).
Entre os actos previstos o día 24 haberá neste stand unha xuntanza de editores galegos con outros europeos (Hungría, Polonia e Eslovenia) para o intercambio de dereitos. En canto aos dous escritores participarán en diversas presentacións con axentes e editores de diversos gremios europeos e asociacións.
Presenza internacional
A literatura infantil galega está a pasar un dos seus mellores momentos. Escritores con premios, traducións de recoñecemento social, ilustradores que están sendo chamados de todas partes, selos editoriais que están sendo referencia internacional e multitudes de iniciativas que nos poñen no ollo de mira non só no noso territorio senón máis alá das nosas fronteiras.
En Galicia está a emerxer unha literatura e unha industria editorial vigorosa e sólida, con nomes que destacan pero tamén como unha proposta plural e diversa na que podemos atopar todos os xéneros e rexistros. Este tempo de esplendor da literatura infantil e xuvenil correspóndese coa concesión de premios e recoñecementos de prestixio como é a incorporación de títulos galegos a lista de honra do IBBY, á Biblioteca Internacional e Xuventude de Munic ou o Banco do Libro de Venezuela.
Nomes dos nosos escritores e ilustradores atópanse xa nos listados de máis prestixio e axudan a promover unha literatura que se mostra ao mundo en pleno auxe. Nesta liña, Santiago de Compostela acollerá do 8 o 12 de setembro o Congreso Internacional do IBBY, que terá como tema central A forza das minorías.
A Consellería de Cultura e Turismo, a través da Dirección Xeral de Difusión e Promoción da Cultura, colabora coa Asociación Galega do Libro Infantil e Xuvenil (Galix) para a edición do catálogo Libros infantís e xuvenís de Galicia 2010, que pretende achegar a literatura escrita galega para os máis novos aos nenos e nenas de todo o mundo. Dende o Stand de Galicia repartirase este catálogo e o material promocional do Ano do Libro e da Lectura.
Gabinete de Comunicación da Consellería de Cultura e Turismo da Xunta de Galicia
