Skip to main content

Notas

  • Promociónanse en Madrid O Corpus Christi de Ponteareas e a Ruta da Lamprea
    A Ruta da Lamprea constitúe un novo produto turístico que pon en valor os principais recursos naturais, gastronómicos e culturais de 18 municipios ao redor dos labores de pesca e a gastronomía deste singular peixe. Destácase a relevancia internacional alcanzada por esta festa avalada pola declaración de interese turístico internacional.
  • A oferta turística galega promóvese en Portugal dentro da feira Mundo Abreu
    Trátase dun certame destinado ao público final organizado polo operador turístico máis importante do país veciño. O turismo galego promocionarase, así, en Portugal, o principal mercado emisor internacional da Comunidade galega. O número de turistas portugueses medrou un 14% en 2015 en relación ao ano anterior.
  • Expourense consolidouse como plataforma para a competitividade e internacionalización empresarial 2015
    A Fundación de Feiras e Exposicións de Ourense, Expourense, presentou o resumo de actividades organizadas durante o pasado ano. En total, no recinto feiral celebráronse 10 feiras e 26 eventos que atraeron a máis de 116.000 visitantes, a 906 expositores e 350 relatores achegados dun total de 47 países.
  • Produtos de calidade consolidan Galicia como referente culinario no Salón Gourmets en Madrid
    Entre o 4 e o 7 de abril, o XXX Salón Internacional de Gourmets, en Madrid, acolle degustacións de produtos lácteos, cárnicos, ecolóxicos, viños e outros como a torta de Santiago ou croquetas de calidade. Un programa atractivo que se consolida coa oferta dos produtos do mar frescos, de acuicultura e en conserva.
  • O audiovisual galego amplía a súa presenza no MIPTV de Cannes con 14 empresas
    Participan Artefacto, Ficción, Filmanova Invest, International Audiovisual Communication, Intuitive Productions, Matriuska, Maruxiña Films, Obradoiro Cab Sad, Portocabo, Somadrome, Tree Line, Vía Láctea, Voz Audiovisual e Zenit TV. Igape e Agadic colaboran na promoción desta misión comercial.
  • O sector do automóbil galego, locomotora da industria 4.0 en Galicia
    Na inauguración do XXV Salón do Automóbil de Vigo, destacouse que a facturación do sector medrou máis dun 8% e sumou 8.200 millóns de euros en 2015, mentres que as exportacións alcanzan o 31% do total galego. A Xunta impulsará, xunto con Ceaga e PSA, unha aceleradora de innovación no sector para seguir incorporando coñecemento e tamén a proxección exterior.
  • Preséntase o Catálogo de Libros Infantís e Xuvenís de Galicia 2016
    O Catálogo de Libros Infantís e Xuvenís de Galicia 2016 difunde a produción galega máis recente para os lectores novos. Con máis de 100 títulos, a obra permítelles a escritores, ilustradores e editores dar a coñecer o seu traballo en Galicia no exterior. A publicación distribuirase na Feira Internacional do Libro de Boloña.
  • O 3 de abril celébrase o Festival do Meixón en Tui
    O domingo 3 de abril celébrase no Paseo da Corredoira o Festival do Meixón Poranse á venda 500 racións ao prezo de 40€. Dende o Concello de Tui apóstase pola recuperación deste evento gastronómico tras varios anos sen celebrarse.
  • Santiago Paixón Doce promociona a tradición larpeira en Semana Santa
    Trátase dun novo programa gastronómico que, entre o 18 ao 27 de marzo, involucra a máis de 20 cafeterías e restaurantes da capital galega que inclúen nas súas cartas produtos e preparacións doces tradicionais da Semana Santa, como torrixas, leite fritida, bolos de vento, rosquillas, melindres, rosca, chocolates "de paixón" ou tortas.
  • Turismo de Galicia promociona a oferta galega na feira internacional ITB de Berlín
    Alemaña supuxo o 11,6% do total do turismo internacional rexistrado no pasado ano na nosa comunidade, consolidándose como o segundo país internacional máis importante para Galicia, so por detrás de Portugal. Turismo de Galicia ampliou a súa presenza na IBT de Berlín cun espazo diferenciado para os encontros comerciais de profesionais do sector.