Skip to main content

Notas

  • A Xunta difunde o turismo galego de negocios entre os principais operadores de San Petersburgo e Moscú
    Turismo de Galicia participa no workshop Dolce Vita que reúne aos principais operadores rusos especializados neste segmento. Nunha decena de reunións profesionais de ámbito nacional e internacional, preséntanse as capacidades de Galicia para a acoller este tipo de viaxes, tendo en conta as infraestruturas canto a pazos de congresos, aloxamento e comunicacións.
  • O grupo das Cidades Patrimonio da Humanidade promociónase na Feira de Turismo JATA de Tokio
    O grupo de Cidades Patrimonio da Humanidade estivo presente na Feira JATA 2017, celebrada en Tokio (Xapón) do 21 ao 24 de setembro. Esta é a feira de turismo máis importante do país nipón. Santiago de Compostela puido promocionarse xunto co resto de Cidades Patrimonio dentro do stand de Turespaña.
  • Ponse en valor a tradición das fogueiras do San Xoán no Aquelarre Poético da Coruña
    A directora de Turismo de Galicia, pregoeira este ano, enxalzou a celebración do Aquelarre que actúa ano a ano como acto previo ás celebracións do San Xoán. A Asociación de Meigas das Fogueiras do San Xoán premiou a Turismo de Galicia coas súas máximas distincións pola súa contribución a esta festa.
  • As empresas Frida, Ladybug, Numax e Vaca promoven o cine galego no Marché du Film de Cannes
    Están a participar no principal mercado mundial da industria cinematográfica como parte do programa de internacionalización do audiovisual galego que desenvolven a Consellería de Cultura e Educación e o Igape. Memorias dun home en pixama, único proxecto español seleccionado para a súa presentación profesional na sección Aneccy goes to Cannes.
  • Turismo de Galicia organiza o II Foro Gastronómico os días 22 e 23 de maio
    Celebrarase no Centro Superior de Hostelería de Galicia (CSHG) e reunirá prestixiosos cociñeiros galegos e a expertos en sustentabilidade e nutrición, accesibilidade nos establecementos hoteleiros ou menús saudables. Haberá relatorios e obradoiros de cociña para os que está aberto o prazo de inscrición na páxina web do CSHG.
  • Artesanía de Galicia participa na Festa do Melindre de Melide, na edición de 2017
    A directora xeral de Comercio e Consumo, Sol Vázquez Abeal, visita a mostra que conta con produtos de xoiería, arranxos florais, bixutería, marroquinería e pratería, no marco da XXVI Festa do Melindre e da Repostería Tradicional de Melide. A mini feira pode visitarse na Rúa do Convento ata o 14 de maio.
  • Miss Caffeína, Shinova, Luís Brea y El Miedo e Druso abren as festas da Ascensión 2017
    A concellería de Mocidade, Noa Morales, presentou a primeira gran cita da Ascensión 2017: o concerto de Los40 Trending on Stage. A edil estivo acompañada polo director rexional da Cadena SER en Galicia, Jordi Jordá, e polo coordinador rexional da emisora, Gabi Davila. Os artistas "son novos valores que están impulsando a súa carreira en Internet" onde se fixeron virais.
  • Galicia presenta a oferta turística nos mercados máis importantes do norte de Italia
    Turismo de Galicia participa ata o día 11 de maio nas xornadas de promoción que se desenvolven en Milán, Boloña e Padua. Turismo da Xunta fai fincapé na promoción do Camiño de Santiago e os produtos relacionados coa cultura, a natureza e a gastronomía. O número de viaxeiros italianos aloxados no primeiro trimestre deste ano medrou un 10,6% en relación ao ano anterior.
  • A Festa da Lamprea de Arbo consolídase como un importante reclamo turístico
    A LVII edición desta celebración contou coa participación do vicepresidente da Xunta, Alfonso Rueda, a directora de Turismo de Galicia, Nava Castro, e o delegado territorial da Xunta en Pontevedra, José Manuel Cores Tourís. A festa é de Interese Turístico Nacional en recoñecemento á súa antigüidade e á súa singularidade.
  • A XXI feira de Ourense converte a provincia nun escaparate da artesanía
    A directora xeral de Comercio e Consumo, Sol Vázquez Abeal, inaugurou este evento no que participan unha vintena de artesáns e que se celebra ata o 7 de maio. Salienta a aposta da Xunta pola comercialización, o mantemento e a divulgación dos oficios tradicionais. Na feira participan máis de vinte artesáns que se dedican a actividades como a xoiería, a pintura, a cerámica ou o coiro, expoñendo numerosas pezas de calidade.